英簽證中心搬遷

【明報專訊】雖然好多香港人去英國旅行可免簽證，但Emily都提提可能用到英國簽證嘅讀者，英國簽證申請中心喺3月21號，會由英國駐香港總領事館2樓搬去銅鑼灣，地址係禮頓道77號禮頓中心1502室。新簽證服務由威孚有限公司負責，英國駐香港總領事吳若蘭話，新簽證申請中心會延長開放時間同有更多服務，更方便咁話。


3月21號起，中心辦公時間由上午8點到下午3點，夏季高峰期會開到下午6點。4月1號起會有新服務，包括護照歸還服務，簽證申請人可以喺申請期間保留自己護照作旅遊用途，仲有免費嘅錄音查詢服務、與客務人員直接對話嘅付費查詢服務，同免費嘅電郵查詢服務。至於簽證申請程序同處理申請嘅時間就維持不變。