茅台之友酒敘 未見湯顯明

【明報專訊】政商界人士唔少都鍾意以酒會友，國酒茅台之友協會噚晚灣仔某酒店搞酒敘，筵開40席，出席者包括幾十個駐港領事，以及中聯辦官員，不過美國駐港總領事夏千福就唔出席之列。作為協會顧問前廉政專員湯顯明，當然收到邀請，但有出席酒友就話，開席時都未見湯顯明現身，相信佢係費事現身被傳媒「狙擊」，所以迴避一下。

駐港領事中聯辦現身

身兼廠商會副會長「國酒茅台之友協會」秘書長吳永嘉（Jimmy），噚日晏晝出席廠商會新春傳媒飯局，佢話夜晚要去茅台之友飲酒，而今次酒會規模已算細，但都有40席，佢就準備180支佳釀招待會員及賓客。Jimmy仲話，韓國、日本領事好鍾意飲茅台，韓國領事可以一次過飲兩支而不倒！

施榮懷話計劃5月率團訪京

講開廠商會，佢今年慶祝80周年。會長施榮懷話計劃5月中左右率團訪京，預料會有40幾個成員參加。廠商會原定上年訪京，但因事延期，若今次成行，施榮懷就能夠年底卸任會長前帶隊見領導人，但暫未知屆時有邊個中央領導接見。

至於廠商會工作，阿施話有兩場仗要打，一個係標準工時立法，另一項係取消強積金對，佢話商會要諗多方法，等市民明白商會點解要反對呢兩項工人關心建議。