3月花展 主角家樂花

【明報專訊】「2014年香港花卉展覽」將會喺3月7到16日，每日上午9點到晚上9點喺維園舉行，今年嘅主題花係「家樂花」，大家除咗可以欣賞家樂花同其他花卉外，仲可以觀賞盆栽、花藝擺設同園景設計。


展覽期間仲會有一連串教育同娛樂並重嘅活動，包括學童繪畫比賽及攝影比賽，花藝示範、植物護理工作坊同綠化推廣攤位等。會場亦有售賣花卉同園藝產品嘅攤位。花卉展入場費14元，小童、學生、60歲或以上長者只需7蚊。入場券即日起至3月16日，喺康文署轄下各分區康樂事務辦事處，以及設有「康體通」服務嘅康樂場地發售；亦可以喺花卉展期間，於維園會場入口處即場購票。