網友話大帽山落雪

【明報專訊】香港呢幾日天氣轉冷嘅新聞日日新鮮，有網民周一晚上就傳咗一段聲稱喺大帽山拍攝到嘅落雪片段（片名《香港落雪，有片有真相》），天文台就話大帽山當日無明顯降雨紀錄，暫未能確認落雪真偽，但已經聯絡咗拍片者索取資料了解。


網民拍片見白點飄過

Emily睇片，係見到明顯白點喺鏡頭前飄過，天文台高級科學主任譚廣雄話翻查當晚嘅天氣資料，大帽山錄到最低氣溫為零下2℃至零下1℃，但因為無明顯降雨紀錄，所以唔知嗰啲係落雨、落雪定係其他現象。佢又話，大帽山當晚部分地方係有少少結冰現象，相信結冰嘅機會比較大。


其實本港以往都落過雪，據天文台紀錄，1967至1975年期間曾有4日出現降雪現象，包括1967年2月2日喺歌連臣角、1967年12月13日喺大帽山、1971年1月29日喺大帽山，同埋1975年12月14日新界廣泛地區都曾經錄得落雪。