曾浩輝笑談炒燶股

【明報專訊】好耐無見嘅衛生防護中心前總監曾浩輝（人稱曾仔），噚日喺港大醫學院馬年新春團拜現身，Emily同一班記者行家一擁而上同「曾仔」拜年，佢就騎騎笑話自己係馬仔，大家可以估到佢幾多歲。新年佢有接電子太歲，話個神像噴出嚟啲假煙好以真嘅，好過癮。記者問佢家做緊咩工，佢笑住話炒股票炒燶咗，正職係幫爸爸媽媽買歌劇飛，有時間就表演小提琴，一副食飽唔使做嘅模樣，令人羡慕。


人質事件Jason仍留醫

Emily又見到搶救馬尼拉人質事件傷者Jason嘅主診醫生、屯門醫院腦外科主管方道生，佢話Jason仲要留醫一段時間，Emily收到消息話，其實係Jason媽媽想個仔留喺醫院，有醫護照顧。方醫生即將退休，之後會轉為私家執業，Emily祝佢馬年事事如意。