孔慶平難得「卸膊」 一身輕

【明報專訊】舊年退任中國海外（0688）主席嘅孔慶平仍然心繫上市公司，噚日新春媒體團拜，都以母公司（中國海外集團）副董事長身分出席，仲做埋演講。


其實孔慶平今年啱啱59歲，仲未到退休年齡。所以今次佢「退位」後第一次出來見媒體，都神采飛揚，講笑之餘，仍然好關心中海外。


佢就同記者話，都有同新任嘅中海外發展主席郝建民講，希望今年爭取兩位數字增長。但樓價果啲具體嘢，佢就笑笑口話，「我已經卸膊啦，你問佢哋啦。」仲補充話「卸膊都用咗半年啊」，言下之意家好難得一身輕鬆。


今年中海外全年業績公布，孔慶平話唔會再出席記招，仲笑話再出席任何記招只可以用股東身分喇。即使唔使管中海外，孔慶平嘅行程依然緊密。3月又要上北京開10日兩會，睇嚟孔慶平真係停唔下來喇。


[小琴密語]