明報讀者贈詩

【明報專訊】自《明報》更換老總事件開始以來，編輯部不時收到讀者來信或贈物鼓勵，噚日編輯部收到「明報老讀者潘小姐」送贈3幅墨寶，打開一睇，原來全部係潘小姐創作嘅一首「七言絕詩」，鼓勵明報同事以至市民努力守住新聞自由。


經過Emily嘅一班同事努力，再請教對中國文化素有研究嘅才子陶傑後，呢首詩係「明月當空照世間，報業艱難共守關，危城到處烽煙在，羣魔競逐香港灘」。


陶傑：籲守住新聞自由

陶傑話，呢首詩意思係香港嘅新聞自由正受外來或內在嘅人威脅，呼籲明報以至市民堅持，守住新聞自由呢個關口咁解。Emily相信各同事都收到呢個信息，喺度多謝呢位讀者咁有心意嘅禮物。