莫乃光下廚 被笑得一招

【明報專訊】立法會議員資訊科技界莫乃光（Charles）同會計界梁繼昌（Kenneth）噚日同傳媒團拜，一早預告會炮製自家菜，Emily滿心歡喜去參加，原來Charles嘅首本名菜係沙律，連Kenneth都笑佢，只識整一味沙律，點可以生存。


原來兩人嘅廚藝，都係放洋海外時學嘅求生技巧，Charles喺夏威夷讀書半年，只學識整一味夏威夷木瓜沙律。佢話整呢味沙律好簡單，只要煮熟雞肉，再加西芹，撈一撈沙律醬就會好味。


Kenneth話，自己喺英國生活時煮咗10年飯，下廚無難度，用油鹽糖醃一醃牛肉，話咁易就整咗碟燒牛肉出嚟。雖然燒牛肉其貌不揚，但切開半生熟，充滿肉汁，加埋特製紅酒汁，拍得住食肆水準。


梁繼昌燒牛肉拍住大廚

佢哋話，新年願望係香港有真普選及新聞自由，佢哋將於本月中陸續就政改方案向業界發出問卷，調查各專業界別對公民提名、真普聯三軌方案嘅睇法。