港視餐廳重開大吉

【明報專訊】上年因港視不獲政府發牌而被解僱一班員工，自港視收購中移動流動電視業務後，已陸續重返港視。之前社交網絡撰文「鬧爆王維基」員工餐廳廚師林健豐噚日亦回到崗位，仲同王維基一齊切燒豬慶祝餐廳重開（圖）！

王維基（右二）噚日facebook上傳同林健豐（右三）切燒豬合照，話「繼續三一湯，祝願FreeZone重開大吉」。港視facebook專頁亦有分享呢張相，話「港視員工們最期待的畫面出現了！ 員工Canteen終於番啦，聲試味先」。

話說林健豐被炒後facebook話王維基唔識做生意，唔理成本，都要「堅持三一湯日日唔同款」，價錢又太便宜，「16蚊個快餐，23蚊個即炒小菜」。佢又話自己上班時間短，可以返屋企湊女，兜個大彎讚魔童禮待員工。佢當時仲話，魔童搞掂個牌要搵佢返去，到時「慢慢同你（魔童）計」，唔知林健豐噚日同魔童計好未呢？