大姐大手記﹕杜汶澤為慈善樂意全裸

【明報專訊】肥仔杜汶澤（阿澤）試過多次減肥都不成功，很快便打回原形，甚至肥過之前。他為拍電影《豪情3D》，半年前開始積極減肥，並練得一身胸肌及腹肌，雖然該片已拍竣一段時間，但大姐大早前在電影《賭城風雲》宣傳活動上，見到阿澤依然很弗，身形與體重都沒有反彈。阿澤向大姐大透露，有廣告商睇中他這副body，找他赤裸上身拍廣告；問到是什麼類型廣告時，他卻大賣關子。


無遮無掩拍《豪情3D》

身形弗爆，倒不如學徐錦江拍攝全裸寫真？阿澤表示：「徐錦江的身形一直是我的人生目標。Wing Shya（攝影師夏永康）都有話幫我影輯寫真，如果為慈善，我無所謂。」可以像徐錦江露得那麼徹底？阿澤笑到四萬咁口說：「有人肯睇，我露晒都得！我拍《豪情3D》，重要部分也沒有黐膠紙，因為所有女仔都赤條條，我左遮右掩會好老土。」對自己很有信心才展露於人前？他竟嫌虛地說：「唔好咁講，中國人在外人面前無丟架，唔失禮，屋大不如心寬，夠用就OK。」


保持做運動 拒劈酒

阿澤自從減肥後，三脂無晒，他開心地表示：「醫生話我好番晒，現在飲食回復正常，體重和身形都沒有反彈。醫生話人的身體有記憶，我減肥半年，身體對我肥的記憶無晒，除非我一個月不停暴飲暴食。我都有飲酒，但應酬就盡量唔去，唔想再劈酒，劈酒好無謂又傷身。我快42歲，要保重身體，身體健康最緊要。」愛上運動的阿澤，現在仍保持每星期3日做運動，每次2小時。