中聯辦網站換新裝

【明報專訊】新年新開始，中聯辦網站最近亦改頭換面，重新設計網站，感覺比以前稍為有活力，亦加入唔少實用資訊。Emily噚日click入去睇過，發現改動頗多，好似中聯辦主任、副主任、秘書長等領導，每人都有相片同基本資料介紹。而網站上嘅中聯辦標誌原來亦有意思，睇落似「中」字嘅圖案，原來係中聯辦大樓外形，中間5條線就代表中聯辦在港5項職能。


添實用資訊 酒店景區有得睇

中聯辦網站亦加咗唔少實用資訊，連中聯辦主任張曉明上年喺立法會午宴嘅致辭、過去張主任見記者嘅內容等，網站都有短片睇番。喺服務指南下，有關港人去內地一欄，有介紹內地嘅五星級酒店、5A級景區等，全部連結去國家旅遊局網站等大家慢慢睇。如果對法律條文有興趣，網站亦有中、英文版嘅《基本法》全文等。