新聞類別
港聞
詳情#
【明報專訊】立法會舊年11月討論係咪用特權法調查免費電視發牌事件,市民包圍立法會,但當晚有20幾個議員唔行正門,選擇用立法會停車場內嘅「秘道」揸車離開,被人批評。立法會秘書長陳維安噚日強調,呢條係「緊急通道」,佢哋正為通道草擬使用指引,希望減少議員用秘道嘅罪惡感。
陳維安話,緊急通道係有需要時先會用,但究竟有咩情况叫緊急,大家無可能預知,所以唔應該有太多限制,認為應由大樓使用者自行判斷係咪有需要使用,佢話陽光之下無秘密,相信議員用完,大家一定會知,至於會唔會公開邊個議員用過秘道,陳維安就唔敢應承,只係話會將意見轉達畀議員。
陳維安:用陽光政策
其實家秘書處都係應議員要求就會畀佢哋用秘道,點解仲要特登寫指引呢?陳維安話,過去絕對唔係要隱藏「秘道」存在,但因為長時間唔用,甚至有議員都唔知,所以都係希望實行陽光政策,平常心寫番使用原則。
立法會搬去新大樓時,開咗唔少合約職位,陳維安話家仲有20幾人,佢話希望政府增加對立法會嘅撥款,等佢哋唔使開合約職位,變成恆常職位,以助佢哋挽留人才。
陳維安話,緊急通道係有需要時先會用,但究竟有咩情况叫緊急,大家無可能預知,所以唔應該有太多限制,認為應由大樓使用者自行判斷係咪有需要使用,佢話陽光之下無秘密,相信議員用完,大家一定會知,至於會唔會公開邊個議員用過秘道,陳維安就唔敢應承,只係話會將意見轉達畀議員。
陳維安:用陽光政策
其實家秘書處都係應議員要求就會畀佢哋用秘道,點解仲要特登寫指引呢?陳維安話,過去絕對唔係要隱藏「秘道」存在,但因為長時間唔用,甚至有議員都唔知,所以都係希望實行陽光政策,平常心寫番使用原則。
立法會搬去新大樓時,開咗唔少合約職位,陳維安話家仲有20幾人,佢話希望政府增加對立法會嘅撥款,等佢哋唔使開合約職位,變成恆常職位,以助佢哋挽留人才。
留言 (0)