鮮魚行校長請睇戲

【明報專訊】《阿信的故事》最近喺戲院上映，Emily好多朋友都睇到喊晒，仲講番睇1980年代電視版本嘅心情。原來鮮魚行學校校長梁紀昌當年都有同個女睇過電視版《阿信的故事》，仲邊睇邊教阿女做人嘅道理。咁啱有位叫波叔嘅善長上個禮拜六請咗佢哋學校100個師生一齊睇呢套戲，梁校長話有好多學生都睇到喊，仲有學生同佢講喊到要用兩張紙巾。


梁紀昌噚日喺網誌撰文話，《阿信的故事》教小朋友幸福唔係必然，要珍惜眼前，亦可勉勵小朋友積極做人及不斷學習嘅奮鬥精神，所以佢決定喺校長基金撥款，資助全校未睇過呢套戲嘅學生同屋企人一齊睇。學生睇完之後只要交一份用圖畫或文字表達嘅觀後感，帶埋戲飛搵校長，咁就可以獲得贊助！