教院20周年校慶

【明報專訊】陸續多間大專院校都有慶祝活動，今年係中大50周年金禧校慶，出年係香港教育學院20周年校慶。教院噚日喺YouTube上載咗條「齊賀教院20周年校慶」短片，搵咗一眾教院師生友好，齊齊同教院賀壽。


Emily噚日睇咗呢段片，除咗校長張仁良、校董會主席彭耀佳等學校代表，仲有剛剛攞咗榮譽社會科學博士嘅胡應湘。不過，最矚目嘅係來自法國嘅校長夫人Christine，佢首次粉墨登場，以廣東話祝教院「生日快樂」，唔知佢練咗幾耐呢？


教院踏入20周年，即將有連串慶祝活動，校方喺早前嘅第19屆學位頒授典禮，已經一併舉行20周年校慶啟動禮，為迎接生日做好準備。