鳩山由紀夫來港「靜靜」獲授博士

【明報專訊】日本前首相鳩山由紀夫（站立者）曾獲美國《時代》周刊形容為「一場大變革嘅領導者」，香港城市大學噚日向鳩山頒授榮譽法學博士，已經66歲嘅鳩山博士畀足面，親自嚟典禮。Emily為一睹佢嘅風采，專程去咗觀禮，但鳩山博士全程無出過半句聲，連「扑頭」同戴帽反應都好似慢半怕咁。


無綫高層頒授 唔講電視

負責頒授嘅係城大副監督梁乃鵬（前排右一），Emily當然想知身兼無綫行政主席嘅佢點睇有市民「熄電視」為無綫慶生日啦，不過梁博士兩次行過「咪兜」都無理記者，Emily追上去問佢時，梁博士就邊走邊耍手擰頭，邊話「今日係城大嘅典禮，唔講電視」。


噚日另外兩名榮譽博士，係慈善家南太電子創辦人顧明均，同美國史丹福大學商學研究院Frank E. Buck金融學講座教授邁倫．斯科爾斯。