對建人工島有保留：香港仲有好多地

【蘋果日報】香港近年樓價瘋狂飆升，年輕人很難上車，向來識投資的關之琳亦有感而發：「依家真係貴到不得了！我有時都有睇人哋點置業，最近睇新聞話填海，都好嘅，香港仲有好多地，政府嘅地，不過靚嗰啲有紀念性嘅緊係唔好拆。」早前劉德華為短片旁白，支持北大嶼山填海計劃，不過關之琳興建人工島的做法就有保留：「我覺得應該各方面去諗，例如貨櫃碼頭呀，我覺得仲有好多地，政府撥出嚟咪得，我覺得要解決時下問題先。」
關之琳出名喜愛買磚頭，提到投資心得，她表示要勤力：「香港係一個福地、寶地，買親樓都賺，只要賺到嘅錢都去咗呢項投資，其實好保險！所以我唔係識投資，我係冇懶，得閒就去睇樓，一有錢剩就去買樓。」關之琳近三年以逾兩億投資樓市，她直言最近愛上買工廈，因為買家對工廈越來越有需求。
近年不少港人在馬來西亞、日本買樓投資，關之琳就建議港人「隔山買牛」要小心：「我覺得香港投資係可以致富嘅，喺外國投資就有啲危險，因為唔明白當地嘅稅，好多時賺到嘅錢都要畀一半佢，或升得比較慢。」