紫背天葵包 昂坪有售

【明報專訊】大嶼山發展聯盟10至11月舉行「寰宇匯聚大嶼山2013」，連同當地旅遊景點有連串活動﹕昂坪360請飲食專欄作家喺10月24號至11月24號去昂坪市集，用大嶼山特色食品整10款麵包出售，包括紫背天葵果醬包、大澳蝦醬菜肉包，價錢未定。


昂坪360請咗韓國組合the PANG SHOW表演。仲有愉景灣11月10號首次舉辦嘅西班牙嘉年華，有西班牙舞表演，又有即場免費西班牙舞工作坊畀市民參加。如果想睇香港特色文化，可以喺11月24號去「大澳水鄉情懷展繽紛」，當日有模擬婚禮，由坐舢舨接新娘、送大禮、唱鹹水歌都一絲不苟㗎。


身兼聯盟旅遊小組主席、昂坪360董事總經理邵信明話，港珠澳大橋2016年落成，舉辦呢次活動，係想吸引更多旅客留喺大嶼山消費。