大量捐款助芷君 英華設基金管理

【明報專訊】失明、弱聽兼手部觸感差嘅英華女學校文憑試狀元曾芷君，啱啱憑3優2良成績如願考入中文大學翻譯系，真係可喜可賀。其實自從文憑試放榜之後，市民被佢嘅堅毅感動之餘，亦關心來自基層家庭嘅佢，將來夠唔夠錢讀書，所以不斷有熱心人聯絡英華，要求捐錢畀芷君，學校最終幫佢成立咗一個基金，管理呢啲捐款。


全用於教育經費

英華響學校網頁話，對於社會各界捐款畀芷君深受感動，若仲有市民想捐款，可以寄支票去學校，抬頭寫明校名「The IMC of Ying Wa Girls' School」，並留低自己嘅資料，校方會寄番收據畀捐款人。學校講明，捐款會全數用作芷君嘅教育經費。


Emily相信，市民捐款都係想表達對芷君嘅認同及支持，家理工大學賽馬會復康科技中心計劃為芷君度身訂做一個點字顯示器，等佢可以唇讀電腦上嘅內容，需要幾萬蚊嚟研發，有心人嘅捐款就可以資助呢筆費用啦。