陳冠康選教務委員

【明報專訊】港大學生會前會長陳冠康喺任內惹起唔少風波，例如在特首選舉期間斥資38萬元刊登反對「黑金政治」廣告，卸任後又曾多次發電郵質疑現屆學生會合法性，最近佢仲參選負責港大教學術事務嘅教務委員會本科生代表（Senate）。


「另一方式服務同學」

陳冠康話，其實唔少都係佢做學生會會長嗰時已經留意到嘅問題，曾經有同校方反映過，今次希望以另一個方式服務港大同學仔，對獲選有一定信心。


不過Emily見到佢嘅政綱以「改善校園生活、增高學習效率」為重點，大都係同學生福利有關，未必同教務委員會有關。例如要確保非本地生有宿位、重新為學生提供1000元電腦資助，同埋定期舉辦校長與學生聚餐等。


選舉由周二起至下周一（29日）舉行，港大本科生可以從4名候選人中選最多兩人。除咗陳冠康，參選者仲包括學生會內務副會長黃綺文、社會科學院一年級生李啟迪、商學院一年級生Khan Mamakaev Bek Ali。