動物出動鼓勵食生果

【明報專訊】衛生署要巿民食生果真係絞盡腦汁，出動到海洋公園嘅動物，佢哋同海洋公園下月會舉行「開心『果』月」，講述動物食乜生果——例如小熊貓需要好多纖維，所以要食好多梨同蘋果；大嘴鳥就要食熱帶水果，如木瓜、葡萄、櫻桃、藍莓、番石榴同無花果。


除咗動物要食生果，人都要食多啲。海洋公園會喺「開心『果』月」推出水果餐單，並會增加水果供應達30％，明日仲會向全體員工免費派水果。


海洋公園推水果餐單

搞咁多嘢，無非提醒港人要食多啲生果，因為衛生署調查發現，只有約五分之一人每日吃足夠分量蔬果，即5份或以上嘅生果和蔬菜。


除咗搞生果月，海洋公園又為新酒店招標，為應部分團體要求，公園決定招標延長一個月，5月8日截止。