運署推免費App

【明報專訊】運輸署再有新猷，今次係推出免費手機App「香港行車易」，方便市民隨時隨地點對點搵到駕駛路線，仲可以實時接收交通資訊。Emily同突發行家揸車去採訪時就可以用呢個App，搵到周詳路線，最快到現場。


運輸署話，香港行車易App好方便，輸入方式包括地圖、文字、分類地點、當前位置同書籤，駕駛者可因應需要，以最短時間、最短行程或最低道路收費（以私家車收費作比較）嘅方式，搜尋符合自己要求嘅路線。


年中有iPad版

另外，市民亦可透過香港行車易App，獲取全港各主要路段詳盡嘅實時交通資訊，包括行車速度屏上顯示嘅行車狀况同時間、過海隧道時間、行車速度圖和交通快拍。其他資訊油站、禁區同路旁泊車位位置一應俱全。有興趣嘅市民，可用iPhone和Android手機版搜尋「香港行車易」，免費下載。家嘅係手機版，今年中有iPad同Android Tablet版本。