必列啫士街街市

【明報專訊】1953年啟用的必列啫士街街市，是簡樸現代主義建築，兩層共設59個檔位，1969年部分一樓空間改建成室內遊樂場，並設兩條橋接通永利街，昔日家長在街市買餸，就把小孩放在遊樂場玩耍。由於區內缺乏室內休憩場地，今天街市丟空，遊樂場仍常有街坊使用。


Louie和Thomas差不多天天到室內遊樂場練saxophone，當年看着《歲月神偷》拍攝，萬料不到此後永利街變成景點，又見證政府保育工作之虛妄。「當初話叫停永利街發展，我都同意，但其實是要了解最切身在那裏住的人，原來有些老人家行動不便，在失修舊樓早就連上落都有困難，最期待單位被收購了可以安置去好一點的住所。」Louie認為，自從政府宣布保育永利街，未能收購的幾幢舊樓就一直擱着，居民進退維谷；經復修的幾幢，搞宿舍又常空置，搞展覽又沒多少人看，「有時政府真係唔知做咩㗎喎。成日啲地方，做唔到商業性的就搞咩館咩館，同我哋無關。而家連我哋玩音樂、街坊消閒嘅地方都無埋。」


「搞咩館咩館 同我哋無關」

對此，Thomas認為是政府官僚做法使然，「睇過電視節目講台灣保育，佢哋政府嘅做法同當地居民有連結，就算做博物館，佢裏面會有空間畀老人家、小朋友玩，有公共性。我哋政府成日覺得，要搞文化就整西九，整到四不像咁，但本土文化發展唔係就應該好似我哋而家做緊嘅事咁咩？就係好生活化，在自己社區內凝聚到一班人，練樂器、跳舞、耍太極，無人介入過，係我哋自己慢慢形成這一區的氣氛。」Louie說，「我自己就係例子，因為我經過，聽到Thomas練，好好聽，於是跟佢學起來。要社會培養到從事音樂、文化創意嘅人，其實係要在社區裏有平民化、開放嘅地方畀你好隨意地做這些事情，畀大家聚腳。」