新華社報道「金髮局」開會

【明報專訊】金融發展局（簡稱「金發局」）嘅組成近期備受爭議，噚日係金發局喺政府總部第二次會議，Emily同行家自然要留意，金發局主席史美倫仲公布咗5個專責小組及其召集人。對於港府呢個新嘅金融諮詢組織，Emily梗係要留意埋官方新華社點樣報道，結果發現新華社出稿將金發局寫成「金髮局」（上圖），唔通入面的委員都係紅鬚綠眼？


由於「發」與「髮」簡體字寫法一樣，Emily八卦所知，呢個蝦碌應該係同簡體字轉繁體字過程有關。新華社官方稿件都係簡體字，發稿畀香港傳媒嘅稿件，有個電腦系統負責「簡轉繁」，可能係呢個系統嘅緣故，鬧出呢個笑話。