周日打吡賽4女馬主入圍

【明報專訊】嚟緊周日嘅馬圈盛事打吡大賽已經係第140屆，今年大賽，罕見有4位女馬主同時入圍，其中幫爸爸鄧偉彬打理家族皮草生意嘅鄧詠琪（Vicky）愛駒「魅力知己」前哨戰時狀態大勇，「爆冷」跑出第一。Vicky話，「知己」平日成績唔太突出，所以前哨戰當日覺得好似發緊夢咁。


「魅力知己」前哨戰爆冷第一

唔少城中名人都鍾意養馬，一隻賽駒成交價至少百萬，但「魅力知己」係Vicky以10多萬港元底價投得，佢話3年前新西蘭拍賣會上「知己」無人問津，最後遇上伯樂、Vicky嘅相熟練馬師睇中，終於同Vicky結緣。若果勝出周日大賽，更多可以取得900萬元獎金，馬主Vicky可以分得其中七成，亦有機會成為打吡賽有紀錄40年來，首位勝出嘅女馬主。


名下擁有6隻馬嘅Vicky就話獎金唔重要，佢5年前開始學騎馬，視馬為良伴知己，唔會只係餵紅蘿蔔，平日仲會帶愛駒去訓練場附近「行街」同講秘密