張超雄唔夠紅自我檢討

【明報專訊】Emily同跟開立法會嘅行家，做完assignment周不時都會落去立法會餐廳食晏，唔知係咪太多人出出入入，啲伙計唔好話唔認得我哋，隨時連議員都唔多認到。工黨張超雄（Fernando）噚日落去食晏，就畀餐廳員工問佢係咪立法會職員，佢自嘲會檢討吓知名度喎。


被要求睇職員證

事緣佢想點個午餐，點知餐廳員工話剩低幾款餐，要留番畀職員，所以先問佢，仲叫佢攞張職員證睇吓。不過，佢後尾先發現，原來一直都無呢種預留食物嘅服務，而佢想食嗰個餐，其實都已經賣晒。