人大政協阿sir新丁：向師兄姐學習

【明報專訊】人大政協兩會喺北京進行得如火如荼，港區3名新丁、同樣出身紀律部隊嘅人代李少光、政協委員鄧竟成及湯顯明噚日同記者茶敘，講到上任後嘅感受。


李少光佩服溫總

擔任公職38年嘅前保安局長李少光話，以往對中國嘅理解好表面，今次上京睇咗好多文件同報告後，話好佩服溫家寶總理可以管理13億人口，處理咁多難題 。


喺警隊做咗30幾年嘅前一哥鄧竟成，就話要改變心態，視其他政協委員為師兄師姐，好好向佢哋學習咁話。


湯顯明想分享肅貪經驗

前廉政專員湯顯明就話，佢哋希望喺政策方面下工夫，運用佢地喺紀律、廉政方面嘅經驗，提供一啲有用資料，配合溫總喺《政府工作報告》中所提出嘅「肅貪倡廉」。