楊耀忠有火 轟內地貪腐

【明報專訊】之前喺國教科風波中力撐《中國模式》國民教育教材嘅教聯會楊耀忠校長，噚日以港區人代身分喺北京開會，即場「實踐」上國民教育課，變身「大炮」狂轟，話家內地有「中國特色嘅腐敗」同「發展中嘅腐敗」，大罵貪污嚴重，話老百姓覺得有啲官員「講大話，講空話，講假話」，搞到政府公信力低！在場嘅人代無諗到楊校長咁激，當場醒一醒瞪大眼。


田二少：溫總反腐未交足功課

楊校長又借搶奶粉事件發揮，話有內地官員話內地99%奶粉無問題，但老百姓唔信，係因為有啲官員成日講嘢「高大空」，累到老百姓對政府信任度低。講話後Emily問楊校長點解咁激？佢就哈哈笑，「唔係呀，咁下次激啲先！」


除咗楊校長，民建聯蔡素玉都有提到腐敗問題，佢話現時家長要向學校同教師送禮，反問貧苦家長邊有錢送禮。田二少田北辰都鬧，話過去5年溫家寶總理喺反腐敗、食品安全及保護知識產權方面，交唔足功課，要求中央關注問題喎。