陳振聰受浸 緊張過結婚

【明報專訊】面對爭產官司纏身陳振聰，早排話自己信基督教，由Tony改名做Peter，準備4月受浸，點知原來佢前晚已經青衣阡陌浸信會，由林以諾牧師主持儀式，提早受浸費事被騷擾咁話。對於被指信教係為「洗底」，陳振聰話無因為咁而唔開心，因為已經得到最大救恩，經歷到神，有永遠盼望。

林以諾主持 陳志雲唱詩

陳振聰被控偽造同行使假龔如心遺囑，案件最快5月底正式開審。佢接受商台《1圈圈》訪問，話受浸當晚有成70幾人出席，全部都係親自邀請，包括親友、教友，仲有商台行政總裁陳志雲唱聖詩，但身在溫哥華大仔，就因為買唔到機票返親眼觀禮，有少少遺憾。

睇阿Peter都幾開心，連招牌哨牙笑容都出埋，話係「一生人最開心一日，好緊張，重生喎，仲緊張過結婚，新開始」，又話出席藝人徐淑敏同老公黃浩都係佢隻「羊仔」，相信會好快信主喎。

阿仔唔再叫Wealthee

陳太譚妙清一直熱淚盈眶，話老公信教後有轉變，多同仔女溝通相處，又無咁，開心舒服。個訪問今日仲有下集，陳振聰承認過去婚外情唔，希望未來會做好。

陳振聰透露大仔陳酉樺（Wealthee）家都改英文名，費事同錢有關，又認為仔女一直包容超越埋怨。