唐唐CY有合照

【明報專訊】前日特區政府喺北京舉行酒會，政協委員唐英年姍姍來遲，一眾記者無緣見到佢同特首梁振英同場嘅情景。唐唐噚日解釋，佢並唔係有意遲到，只係佢收到嘅邀請帖寫住酒會舉行時間係6點半至7點半，但唔知原來準時6點半CY就致辭同祝酒咁話。


稱遲到因有會議

唐唐話，佢6點半嗰時要做一個電話會議，所以唔能夠準時出席。結果去到時，記者已經離開咗會場，佢話唔係有心唔畀記者影到佢同CY一齊。


港區政協喺北京入住酒店貴賓樓，但唔少人入住後，都呻環境唔係咁好，唐唐就搬咗去另一間酒店。原因係咩？唐唐笑笑口話，因為有時想約吓人見面，又唔想畀記者撞到，真坦白。