樹仁學生會擺烏龍？

【明報專訊】學聯「大專反加學費聯席」噚日去旺角街頭收集簽名，反對自資院校不斷加學費，唔少院校學生代表都落場講述苦。其中，樹仁大學學生會代表就指控校方，一邊話無錢要加學費，一邊投資落TVB度，持有該公司股份，仲白紙黑字寫宣傳單張。

股份列明係「Donation」

不過，根據同學仔透過公司查冊取得財務報告，Emily就發現佢所指股份列明係「Donation」，即係捐贈而唔係投資喎，學校仲因為呢筆款項獲得配對補助基金。我試過搵校方回應，但截稿前未有回應，學生會會長吳仲達就話要再了解，唔知係咪佢誤會，分分鐘擺烏龍。

另外，Emily見到前年港大818禁錮風波主角李成康，佢將於4月卸任學聯秘書長，噚日都有幫手，即將畢業佢話差唔多開始要搵工，目標係加入NGO（非政府組織），但冇限死係乜類型，佢笑笑口話﹕「自己仲後生，都想睇多唔同。」