民記青年組織「八九點」

【明報專訊】新春過後，Emily都開始拆利市，睇吓今年進帳如何，民建聯屯門支部同青年組織「八九點」噚日發表咗一個年輕人使利市錢嘅調查，Emily聽到個組織名幾得意，又想起中共已故領袖毛澤東曾經講過年輕人係「八九點鐘的太陽」，同佢哋組織個英文名Tuen Mun Morning Sun好似不謀而合，唔通佢哋想效法毛主席？

Emily走去問「八九點」主席葉文斌，佢話早上8、9點太陽出嚟，算係有朝氣，所以英文名都用「早上嘅太陽」，後來又諗到唔少年輕人到晚上8、9點先返屋企，兩者都係反映家年輕人情况。至於毛主席名言，佢就話「咁啱得咁蹺」，但係就講明同八九六四無關喎。


講明無關八九六四

葉文斌除咗係民建聯成員，仲係工聯會成員，之前喺網上反對工聯會長津立場，仲話考慮退出工聯會