梁君彥一餐飯畀兩次錢

【明報專訊】人大政協「兩會」即將喺北京召開，港區全國人大政協陸續上京，身兼政協委員嘅經民聯主席梁君彥噚日同記者聚餐，提到上年佢哋喺北京兩會期間出外食飯，兩班朋友都好大方，用盡方法爭埋單，結果梁君彥發現，嗰間食店竟然兩邊都照收錢，非常離譜。梁君彥點都唔肯講呢間食店個名，但就話今年再去北京時，只會去馬會或高級酒店食飯，以免被人呃喎。


朋友爭埋單 店家兩面收

梁君彥話經民聯人才濟濟，佢哋目前同一兩個立法會議員密斟，有機會拉佢哋入經民聯，而鄉議局主席劉皇發個仔劉業強就決定加入。經民聯亦會吸納人大政協，果然人強馬壯。