曾鈺成掛桃木劍辟邪

【明報專訊】立法會主席曾鈺成噚日喺辦公室同傳媒茶敘，一眾行家都好眼利，發現辦公室內多咗一把桃木劍，佢話係早前有湖南來港嘅朋友送畀佢，用嚟辟邪嘅。早前鄉議局主席劉皇發幫香港求咗支下籤，籤文仲着大家要慎防小人，記者問曾主席知唔知邊個係小人，曾主席竟然對住成班記者話，家都望到小人，好唔畀面。


家立法會周三大會幾乎次次都要開兩日，曾鈺成坦言自己體力仲應付得到，而且佢對議員發言好有興趣，所以都唔會瞌眼瞓嘅；反而最悶嘅係官員發言，因為通常比較長，內容亦喺預料之內。佢話，其實每主持會議兩三個鐘都會休息一陣，由內會主席梁君彥頂上。中午時會休息兩個鐘，佢會用呢段小休眠一眠叉電