靜雞雞搞「國教」？工聯會大播愛國片

【明報專訊】勞聯早排用優惠價請會員睇王家衛大導嘅《一代宗師》，工聯會今年65周年會慶，亦喺工人俱樂部大禮堂請會員睇戲，不過就唔係上畫新片，而係黑龍江省委宣傳部有份攝製嘅工人電影《鐵人王進喜》。呢齣工人電影講一個美國女記者到訪大慶油田，採訪當地「鐵人」「一不怕苦、二不怕死」嘅事迹。中石油大慶油田「宣講員」噚日仲親臨工聯會喺土瓜灣嘅工人俱樂部，講吓大慶工人「先國家後個人」嘅精神。睇嚟國民教育喺學校未開始，已經透過政黨同工會靜雞雞開始咗。