李澤鉅借狩獵論和諧

【明報專訊】長實集團副主席李澤鉅前日出席「長江BBA營」嘅分享活動，同百幾個教育學院學生對談，佢同學生講故事論和諧。李澤鉅話，4個相識嘅友人一齊去雪地森林狩獵，各有一支獵槍，佢哋一齊住，並以獵物作食糧。旅程第一日，甲只喺屋內瞓覺，無外出覓食；乙整日喺野外打獵，卻一無所獲；丙同樣外出打獵，但只獵得幾隻雀仔，只夠自己一天食用；丁只發咗一槍，就獵得一隻狐狸返嚟。李澤鉅就問學生，如果你喺丁，會如何分配獵物？


有學生話丁可以將一半獵物平均分配予友人，亦有同學指丁可選擇教友人狩獵，日後再按個人表現分配獵物……李澤鉅就借題發揮，話每個人都有唔同嘅文化背景同思想，要達至和諧共識並無方程式。佢話以上嘅故事猶如社會縮影，同學可以一齊反思。


有同學問李澤鉅對成功嘅睇法，佢話世界上無絕對成功嘅人，如果自覺成功其實係失敗嘅開始，而人生就係一連串嘅失敗，但只要搵出自己嘅錯誤同不足之處，從中學習、領悟及修正，咁就係成功之道喇。