張潤衡一索得男

【明報專訊】曾經歷八仙嶺大火嘅張潤衡一索得男，囝囝噚晚喺契爺食物及衛生局長高永文嘅太太、婦產科名醫江孟儀接生下順產，母子平安。契爺已打咗電話恭喜佢，衡仔亦不忘恭喜契爺終於搞掂奶粉供應問題。佢哋兩公婆好支持餵母乳，唔怕奶粉供應短缺咁話。


衡仔全程陪住太太入產房，見到囝囝「卡索B」出生嗰一刻好感恩，差啲喊出嚟。佢話未諗定囝囝叫乜名，話因為之前照超聲波，覺得佢個樣好似畢卡索啲畫，所以暫時叫做「卡索B」。卡索B重3.2公斤，衡仔話囝囝個鼻似足佢，而且同爸爸媽媽一樣，頭髮好濃密。


（張潤衡提供）