「人人落力踩CY」

【明報專訊】仲有唔夠一個月就到農曆新年，又係各黨派喺年宵努力賣嘢搵經費嘅好時機。公民黨今年設計咗一對非一般「人字拖」，原本打算年宵推出，但睇完梁振英呢份「充滿水分」又「無膽無規劃」嘅施政報告後，決定提早推出益街坊。究竟呢對拖鞋有乜特別？


呢對拖鞋左右分別寫咗「落」、「力」二字，鞋底印滿「CY」，計埋人字拖嗰兩個「人」字邊，代表「人人落力踩CY」。公民黨話，設計呢對拖鞋出嚟，係想畀大家消消氣，兼落力為香港打打氣，仲話係遊行必備之選。


唔少朋友都唔興新年買鞋，覺得「鞋鞋聲」唔好聽咁話；但有興趣買嘅，不妨趁家買咗對拖鞋先，今個月底前買，仲可以優惠價38元成交，詳情可到公民黨網址（http://www.civicparty.hk）查詢。