成龍偉論批美：全球最大貪污國

【明報專訊】鍾意發表偉論嘅影星成龍，繼講過「中國人要管」、又批評香港人「什麼都罵，什麼都遊行」後，噚日接受鳳凰衛視節目《鏘鏘三人行》時再發偉論，佢話美國係世界最大嘅貪污國家，又話只係因為中國強大，外國人先至會攞中國問題嚟大做文章，呼籲觀眾要支持國家、支持「自己人」。


成龍話，新中國才60年，前30年都畀人欺負，又有10年大災難，真正成功都係近10幾年，「我們自己國家主席也承認他們自己有腐敗有什麼的，我們在改進，我是看見」。


美作家諷自卑感作祟

成龍呢次言論觸及美國，被《華盛頓郵報》專欄作家Max Fisher揶揄，話成龍嘅言論，反映對美國根深蒂固嘅態度，同埋中國人嘅民族自卑感作祟，叫美國人唔好覺得被嚴重冒犯咁講。