眼科醫院前身「無遮無掩」

【明報專訊】眼科醫院今年建院20年，Emily約咗眼科醫院顧問醫生林乃文「憶苦思甜」，講番20年前香港嘅眼科服務同埋未來發展。林醫生話，20年前香港無眼科醫院，只有油麻地眼科診所提供門診服務。診所地方細又「無遮無掩」（見圖），幾個醫生包括林醫生在內（左三）要迫埋一齊睇症，病人無甚私隱可言。


林醫生話，診所嘅牆壁上，掛住個測試眼力嘅燈箱，但係每個病人同燈箱嘅距離都唔同，Emily真係有啲懷疑，究竟測試準唔準。到咗1992年，政府喺亞皆老街醫管局總部隔離起咗眼科醫院，之後仲同埋中大眼科及視覺科學系一齊合作搞科研，仲引進新技術