郭炳聯學有所成多得阿媽

【明報專訊】新鴻基地產郭氏3兄弟雖有爭拗，但一向好聽媽媽鄺肖卿話，老三郭炳聯近日分享佢細個時嘅讀書經歷，話如今學有所成都係多得郭老太。郭炳聯話，佢讀書時飽受考試之苦，試過一年要應付6次考試，有時甚至考試當日要大清早起身溫書，郭老太就準時叫佢起身，令到佢不至於耽誤學業，如今拎到劍橋大學法律系碩士同哈佛大學工商管理碩士兩個學位，郭炳聯最多謝嘅人一定係郭老太。


老三鍾意讀書，亦好關心自己公司同事，所以搞咗一個「員工子女本科獎學金」，今年已經係第三屆，目的係幫助廚師、花王、保安員同技術員等基層員工，向佢哋嘅仔女提供全期大學同專上學院本科教育費資助，今年就有10名員工子女拎到獎學金，郭炳聯勉勵獲得獎學金嘅同學，要努力讀書報答父母。