馬場跑道背後嘅女人

【明報專訊】Emily唔賭馬，但每年都留意馬會專為女性而設嘅「婦女銀袋日」，今年銀袋日係呢個周日舉行，早前馬會安排傳媒到馬場探班，了解傳統上男性主導嘅跑馬仔活動背後嘅女性得力助手，佢就係成個馬會唯一嘅女跑道主任劉潔兒（Kiki）。


呢個工種，係每次賽馬日後，喺跑道睇吓有無由馬蹄造成嘅破洞。搵到之後，就要重新種草填補，以免下個賽馬日有馬仔踩落個窿。由於管理跑道要日灑雨淋，女仔未必有興趣做；咁啱，喺大學時讀地理、自細愛大自然嘅Kiki就好有興趣，寓工作於娛樂咁話。


作為團隊唯一女性，Kiki話唔覺得相處上有困難，反而覺得男同事更加願意同佢講心事，令管理工作更加人性化。