石家莊飛北京只要130蚊

【明報專訊】前兩日石家莊開咗條飛北京嘅航線，大家或者會奇怪咁又有咩特別，問題在於石家莊距離北京只係325公里，香港去汕頭都係300公里左右，家好似香港坐飛機去汕頭咁，你都會覺得有趣啦。


雖然話，呢條石家莊到北京航線全程只係需要40分鐘，但大家可能會覺得，計埋去機場，辦登機手續等等，時間上唔會方便得幾多。


不過有人就同佢計過，由去機場到落飛機，大約要2小時40分左右，如果坐高鐵呢，行程都要2小時20分，其實相差無幾。


只貴高鐵少少

而大家最關心嘅價錢方面，呢條航線原來單程每位只係130蚊人民幣，而且已經包埋燃油附加費等等雜費，高鐵單程，頭等都要100蚊，普通位就80蚊。


雖然機票係貴少少，但都唔好話冇吸引力。