新聞類別
財經
詳情#
【明報專訊】經濟唔好嗰陣，中央出手救市就聽得多啦，不過如果一個地方市政府會動用一大筆財政預算，單為救一間頻臨爆煲嘅當地民企，大家又點睇呢？小琴噚日就聽講，總部位於江西省新餘市、曾經話過想分拆資產來港上市嘅太陽能矽片生產商「江西賽維LDK」，居然可能獲得市政府大方資助7億人仔，直接用來還之前欠落嘅信託貸款喎。
江西賽維LDK負債達300億
睇番報道，原來呢間賽維係江西最大型嘅民營企業之一，07年就去咗美國上市，創始人兼董事長彭小峰當年先得32歲，就即時坐擁400億身家，做咗中國能源行業新首富。不過隨近年太陽能行業產能過剩、產品價格猛咁跌，賽維經營逐漸走下坡路，舊年淨虧損有成55億元，年底負債更加高達300億元，其中短債就有將近200億元，資產負債率直到今年第一季仍然一路上升。
資助款項佔新餘市府收入一成
小琴合指一算，發覺新餘政府今次都算落重本：7億元人民幣，其實已經相當於舊年新餘地方財政收入嘅一成。奇怪啦，民企惹上麻煩，政府點解要咁大方？哦，原來新餘市早有「中國光電產業最佳投資城市」嘅頭銜，為咗繼續搞靚個招牌，呢間龍頭企業當然「太大而不能倒（too big to fail）」啦。
不過有內地專家就話，政府用公帑幫私營企業還債，「完全模糊了政府和企業的邊界」，點都有啲古怪。如果間賽維真係想來香港上市，睇怕各位要認真注意下佢哋債務，究竟有幾多由政府包底啦。
email:piano@mingpao.com
江西賽維LDK負債達300億
睇番報道，原來呢間賽維係江西最大型嘅民營企業之一，07年就去咗美國上市，創始人兼董事長彭小峰當年先得32歲，就即時坐擁400億身家，做咗中國能源行業新首富。不過隨近年太陽能行業產能過剩、產品價格猛咁跌，賽維經營逐漸走下坡路，舊年淨虧損有成55億元，年底負債更加高達300億元，其中短債就有將近200億元，資產負債率直到今年第一季仍然一路上升。
資助款項佔新餘市府收入一成
小琴合指一算，發覺新餘政府今次都算落重本：7億元人民幣，其實已經相當於舊年新餘地方財政收入嘅一成。奇怪啦，民企惹上麻煩，政府點解要咁大方？哦，原來新餘市早有「中國光電產業最佳投資城市」嘅頭銜，為咗繼續搞靚個招牌，呢間龍頭企業當然「太大而不能倒（too big to fail）」啦。
不過有內地專家就話，政府用公帑幫私營企業還債，「完全模糊了政府和企業的邊界」，點都有啲古怪。如果間賽維真係想來香港上市，睇怕各位要認真注意下佢哋債務，究竟有幾多由政府包底啦。
email:piano@mingpao.com
回應 (0)
