新聞類別
財經
詳情#
【明報專訊】小琴雖然唔係人和商業（1387）股東，噚日一聽講佢要開股東大會，就嗱嗱聲趕到去會場門口，皆因間公司近排喺無錫向商戶收未來20年租金嘅舉動實在罕有，小琴都想打探下管理層嘅內心諗法。點知一群記者朋友喺門外等咗大半粒鐘，先發覺幾位高層已經成功「走為上着」，由另一個門口離開，全部過程可謂不動聲色。
無獨有偶，小琴噚日中午仲去咗服裝品牌寶姿（0589）嘅股東會，執行董事陳啟泰同樣唔肯就早前財務報表上漏記咗貸款帳目嘅事件發表評論，直接喺工作人員嘅護送下急急搭升降機離去。一日之內兩次撲空，睇來小琴今個禮拜運程唔係特別好。
話時話，由帳目疑雲、高層離職到今次無錫事件，人和股價今年受負面消息影響已經屢屢下挫，不過管理層就始終冇出來解畫。一年一度嘅股東大會，主席戴永革直程冇來參加，小琴本身想同到場嘅執行董事王宏放、獨立非執董范仁達傾傾計，點知直到小股東已經由正門走得七七八八，先喺門縫見到，台上各位領導已經一早由會場嘅另一個門口撤離咗，大家反應到已經太遲。
無奈之下，小琴唯有同小股東打聽會議內容，有位先生就透露，會上有高層表示，人和股價低殘，其實「唔關管理層事」喔。聽佢咁講，小琴更加好奇想知道其實「關邊個事」。不過今次已經錯過咗提問機會，唔知會唔會要等到下一年股東會先知道答案啦。
email:piano@mingpao.com
無獨有偶，小琴噚日中午仲去咗服裝品牌寶姿（0589）嘅股東會，執行董事陳啟泰同樣唔肯就早前財務報表上漏記咗貸款帳目嘅事件發表評論，直接喺工作人員嘅護送下急急搭升降機離去。一日之內兩次撲空，睇來小琴今個禮拜運程唔係特別好。
話時話，由帳目疑雲、高層離職到今次無錫事件，人和股價今年受負面消息影響已經屢屢下挫，不過管理層就始終冇出來解畫。一年一度嘅股東大會，主席戴永革直程冇來參加，小琴本身想同到場嘅執行董事王宏放、獨立非執董范仁達傾傾計，點知直到小股東已經由正門走得七七八八，先喺門縫見到，台上各位領導已經一早由會場嘅另一個門口撤離咗，大家反應到已經太遲。
無奈之下，小琴唯有同小股東打聽會議內容，有位先生就透露，會上有高層表示，人和股價低殘，其實「唔關管理層事」喔。聽佢咁講，小琴更加好奇想知道其實「關邊個事」。不過今次已經錯過咗提問機會，唔知會唔會要等到下一年股東會先知道答案啦。
email:piano@mingpao.com
回應 (0)
