思捷大跌 對冲基金乘機增持

【明報專訊】曾經令人重拾希望嘅落難藍籌思捷（0330）上星期短短18小時內，主席同CEO齊齊辭職，股價兩日之內跌咗三成，但最大單一股東，對冲基金Lone Pine Capital就人賣我買，乘機增持。


思捷喺今年2月公布業績後，股價曾抽升25％，投資者以為翻身有望，點知當日話要帶領思捷重返高峰嘅CEO范德施，原來係怕老婆之人，一句唔撈就唔撈，思捷股價由上星期二嘅13.48元，一跌跌到落上星期四嘅9.23元。


大股東Lone Pine Capital似乎好相信柯大俠，喺上星期三以每股10.56元增持139.22萬股，共斥資1470萬元。不過，思捷噚日收報10.04元，暫時為佢錄得帳面損失72.4萬元。