apm商場伙now TV直播歐國盃球賽

【明報專訊】香港人都鍾意睇波，除咗可以喺屋企睇電視，要感受一大班人一齊起哄嘅感覺，都可以去酒吧，一邊飲酒，一邊睇波，近年不少商場更用大銀幕直播外國足球，吸客同旺場之餘，更可以收到宣傳作用。


全港唯一商場 獨家直播

新鴻基地產（0016）旗艦商場嘅觀塘apm主事人就話，繼上兩屆世界盃舉辦通宵睇波活動後，令球迷期待已久嘅另一球壇盛事2012歐國盃，將於6月8日至7月2日喺波蘭同烏克蘭兩地上演，絕對係全城焦點，認為不論是否球迷，都會被呢股氣氛感染。有見及此，apm將同擁有2012歐國盃香港獨家全程高清直播權嘅now TV合作，成為全港唯一商場獨家直擊2012歐國盃多場賽事，讓全港市民感受萬人空巷嘅睇波熱鬧氣氛喎。