謠傳牛尿溝奶 蒙牛跌4.6％

【明報專訊】事非纏身的蒙牛乳業（2319），噚日又被傳陷入「質量門」。有網民爆料，河北有奶農為咗要報大數賣多啲錢，喺生產牛奶過程中「加料」，傳聞話摻水會稀釋營養成分，過唔到檢查，相反溝牛尿就可以瞞天過海，於是「牛尿奶」就面世啦。


唔知啲股民系吾系俾牛尿奶搞到無晒胃口，噚日蒙日股價開市就一路大瀉，收市價幾乎係全日最低位的20.7蚊，就大跌4.6％。


蒙牛就啦啦聲出嚟澄清，話公司用機械化方式擠奶，牛奶會直接由牛乳房，經管道收埋儲藏，過程完全封閉，無機會做手腳，添加其他異物。雖然小琴都覺得傳言有啲誇張，但「牛尿奶」咁嘔心，飲奶時始終有啲陰影。