跳到主要內容
金至尊搵新代言人長青網文章
2010年07月20日
檢視個人資料
Submitted by John Parker on 2010年07月20日 06:06
2010年07月20日 06:06
新聞類別
財經
詳情#
【明報專訊】金飾店金至尊經歷創辦人林世榮突然身故、公司清盤後,金至尊終於成為香港資源(2882)旗下嘅店舖。香港資源接手8個月,金至尊嘅店舖回復正常軌道。噚日香港資源開全年業績發布會,主席黃英豪話今年會有新一輪宣傳攻勢。小琴問佢哋會搵邊位做代言人,執行董事之一嘅徐傳順(徐子淇爸爸)就話,搵內地藝人黃曉明做代言人好唔好?即時有女記者話「好!」,睇嚟黃曉明真係有啲叫座力。金至尊一直搵開陳慧琳做代言人,不過,近期都多咗啲新嘅代言人,例如早排搵咗電影《葉問前傳》嘅主角杜宇航做宣傳。當時徐爸爸都話,電影《葉問》喺內地收得,相信透過《葉問前傳》宣傳,都可以幫助佢哋開拓內地市場。今次徐爸爸諗住搵黃曉明,似乎都想針對金至尊喺內地245間分店嘅宣傳。上年宣傳費逾千萬首飾店不時搵藝人做宣傳,咁究竟要使幾多宣傳費呢?根據香港資源首席財務官黃詠茵話,佢哋舊年花咗1300萬元做宣傳,大約佔營業額1%。不過舊年7月香港資源先至正式接手,黃英豪話舊年上半年由清盤人監管公司運作,清盤人花喺廣告宣傳嘅費用唔算多。
0
0
0
書籤
回應 (0)
  • 分享至facebook
  • 分享至電郵

舉報留言

  • 確認舉報
確定