【你無眼花 真係有電競口罩】
口罩變咗日...

【你無眼花 真係有電競口罩】
口罩變咗日常必需品之後就愈嚟愈多花款，今次日本公司又有新搞作，推出呢款電競口罩。口罩售價連稅2970円，提供黑白兩種顏色配搭7彩LED燈，估唔到真係識著燈！生產商話帶住呢款口罩，打機個陣動力都高幾倍，睇演唱會時又可以配合偶像主題色嚟調較口罩顏色，最緊要係夜晚一個人返屋企個口罩光到咁一定唔使驚遇到咩事故喇！閃下閃下係咪好有型先！