炸雞驚見炸毛巾

Jollibee大家都

炸雞驚見炸毛巾

Jollibee大家都知係著名連鎖炸雞店，來自菲律賓近年落戶於香港，開咗幾間分店成績都唔錯，吸引唔少人幫襯。日前就有新聞，於菲律賓一位女網民分享佢用外賣APP叫咗一份Jollibee炸雞餐，一盒5件炸雞正打算同個女大快朵頤之時，發現其中一塊炸雞切極都切唔開，最後決定用手撕，結果一撕開表層炸粉，入面竟然並非雞肉而係一條毛巾！

其他網民見到之後都紛紛留言表示核突，事件最後仲得到外國傳媒報道，後來菲律賓Jollibee知道後急急出聲明道歉，並話會將涉事嘅分店暫停營業3天，重新審視店內衛生情況並對員工加以培訓，確保類似事情唔會再出現。Jollibee貴為菲律賓第二大跨國企業（第一為生力啤），今次呢單事件真係要好好處理喇！